వికో కంపెనీలో అగ్నిప్రమాదం.. పెద్ద ఎత్తున మంటలు.. వైరల్

సోమవారం, 8 మార్చి 2021 (15:28 IST)
వికో కంపెనీలో అగ్నిప్రమాదం చోటుచేసుకుంది. మహారాష్ట్రలోని నాగ్‌పూర్‌ ఎంఐడీసీలోని ప్రసిద్ధ వికో కంపెనీలో మంటలు చెలరేగాయి. మంటలు పెద్త ఎత్తున ఎగసిపడుతున్న దృశ్యాలు సోషల్ మీడియాలో వైరల్‌గా చక్కర్లు కొడుతున్నాయి. ప్రాథమిక సమాచారం ప్రకారం ఈ ప్రమాదంలో ఎటువంటి ప్రాణ నష్టం జరగలేదని తెలుస్తోంది. అగ్నిమాపక సిబ్బంది వెంటనే ఘటన స్థలానికి చేరుకోవడంతో ప్రమాద తీవ్రత తగ్గింది.
 
అయితే వికో కంపెనీలో భారీగా మంటలు ఎగసిపడటంతో చాలా దూరం వరకు పొగ కమ్ముకుపోయింది. దీంతో ఆ పరిసర ప్రాంతాల్లోని స్థానికులు తీవ్రంగా ఆందోళన చెందుతున్నారు. పోలీసులు, వైద్య సిబ్బంది కూడా అక్కడికి చేరుకుని పరిస్థితిని సమీక్షిస్తున్నారు. అయితే కంపెనీలోని ఏ ప్రాంతంలో మంటలు చెలరేగాయనే విషయం తెలియాల్సి ఉంది. 

వెబ్దునియా పై చదవండి

సంబంధిత వార్తలు