కేరళలో క‌రోనా తిరిగి విజృంభిస్తోంది. ప్రతి రోజు 20 వేలకు పైగా క‌రోనా కేసులు న‌మోద‌వుతుండ‌డం ఆందోళ‌న క‌లిగిస్తోంది. దీంతో ఆ రాష్ట్రంలో సంపూర్ణ లాక్డౌన్ విధిస్తున్న‌ట్లు ప్ర‌భుత్వం ప్ర‌క‌టించింది. జులై 31, ఆగ‌స్టు 1 తేదీల్లో లాక్డౌన్ విధిస్తున్న‌ట్లు వివ‌రించింది.
క‌రోనా కేసుల తీవ్రత దృష్ట్యా లాక్డౌన్ పొడిగింపు లేదా పాక్షికంగా ఆంక్ష‌ల విధింపుపై మ‌ళ్లీ నిర్ణ‌యం తీసుకోనున్నారు. గత కొన్ని రోజులుగా కేరళలో ప్రతి రోజూ పది వేలకుపైగా పాజిటివ్ కేసులు, వందకుపైగా మ‌ర‌ణాలు నమోదవుతున్నాయి. మంగళవారం నుంచి 20 వేలకు పైగా కేసులు నమోదవుతున్నాయి. దీంతో కేర‌ళ స‌ర్కారు లాక్డౌన్ విధించాల‌ని ఈ రోజు నిర్ణ‌యం తీసుకుంది.
