టీమిండియా కెప్టెన్‌ విరాట్ కోహ్లీ రికార్డు కొద్ది రోజులకే బ్రేక్ అయ్యింది. టెస్టుల్లో నెంబర్ వన్ ర్యాంకును కైవసం చేసుకుని కొద్దిరోజులకే బ్రేక్ అయ్యింది. కోహ్లీని ఆసీస్ క్రికెటర్ స్టీవ్ స్మిత్ వెనక్కి నెట్టేశాడు. తద్వారా అరుదైన రికార్డును తన ఖాతాలో వేసుకున్నాడు. ఇంగ్లండ్‌తో జరుగుతున్న యాషెన్ సీరిస్‌లో ఆసీస్ ఆటగాడు స్టీవెన్ స్మిత్ పరుగుల వరద పారిస్తున్నాడు.
ఈ సీరిస్‌లో స్మీత్ ఇప్పటి వరకు 671 పరుగులు సాధించాడు. సుమారు 135 సగటుతో నిలిచాడు. ఇలా పరుగుల వరదతో స్మిత్ కోహ్లీ రికార్డును బ్రేక్ చేశాడు. ప్రపంచ టెస్ట్ క్రికెట్ చరిత్రలో మూడు టెస్ట్ మ్యాచ్‌లు లేదా అంతకు మించిన మ్యాచ్‌ల సీరిస్‌లలో అత్యధిక పరుగులు సాధించిన ఆటగాళ్ల జాబితాలో స్మిత్ మూడో స్థానాన్ని సొంతం చేసుకున్నాడు.
