ఇదేంటి? స్విమ్మింగ్ పూల్‌లో జలకాలాడుతూ.. క్రికెట్ మ్యాచ్ చూడొచ్చా..? ఎక్కడ? అని అడుగుతున్నారు. కదూ.. అయితే చదవండి. ప్రతిష్టాత్మక యాషెస్ టోర్నీ ఆస్ట్రేలియా వేదికగా ప్రారంభమైంది. ఈ సిరీస్‌‌ను వీక్షించేందుకు పెద్ద ఎత్తున క్రికెట్ ఫ్యాన్స్ ఆసక్తి చూపుతారు. ఈ నేపథ్యంలో క్రికెట్ అభిమానులకు అనువుగా గబ్బా స్టేడియాన్ని వినూత్నంగా తీర్చిదిద్దారు.
తొలి టెస్టు రెండో రోజు లంచ్ విరామానికి వెళ్లిన ఆటగాళ్లు క్రీజులో అడుగుపెడుతున్న వేళ ప్రేమజంట మిచెల్, టోరీ స్విమ్మింగ్ పూల్ దగ్గర రొమాన్స్‌లో మునిగిపోయారు. ప్రతిష్ఠాత్మక యాషెస్ కంటే మంచి సందర్భం లేదనుకున్న మిచెల్.. పక్కనే వున్న ప్రియురాలు టోరీకీ ప్రపోజల్ పెట్టేశాడు.
