ఆస్ట్రేలియాతో జరిగిన మూడు వన్డేల సిరీస్‌ను మరో మ్యాచ్ మిగిలి ఉండగానే కైవసం చేసుకున్న టీమిండియా చివరి మూడో వన్డేలో ఇద్దరు ఆటగాళ్లకు విశ్రాంతినిచ్చింది. రెండో వన్డేలో సెంచరీ చేసిన శుభ్‌మన్ గిల్, ఆల్ రౌండర్ శార్దూల్ ఠాకూర్ ఈ మ్యాచ్‌కు దూరమయ్యారు. వీరిద్దరూ మూడో మ్యాచ్‌కు జట్టుతో కలిసి రాజ్‌కోట్‌కు వెళ్లడం లేదు.
అయితే మూడో వన్డేకి రోహిత్ శర్మ, విరాట్ కోహ్లి, హార్దిక్ పాండ్యా, కుల్దీప్ యాదవ్ పునరాగమనం చేయనున్న సంగతి తెలిసిందే. వారు నేరుగా రాజ్‌కోట్‌లో జట్టుతో సమావేశమవుతారు.
ఈ ఏడాది వన్డేల్లో గిల్ 20 ఇన్నింగ్స్‌ల్లో 1230 పరుగులు చేశాడు. సగటు 72.35. స్ట్రైక్ రేట్ 105.03. న్యూజిలాండ్‌పై రెండు సెంచరీలు. బంగ్లాదేశ్, శ్రీలంక, ఆస్ట్రేలియాలపై ఒక్కో సెంచరీ సాధించాడు. గిల్ తన స్వస్థలమైన మొహాలీలో తొలిసారి ఆస్ట్రేలియా తరఫున ఆడాడు. ఈ మ్యాచ్‌లో అతను 75 పరుగులు చేశాడు. మొహాలీలో ఆడిన అనుభవాన్ని గిల్ పంచుకున్నాడు.
"నేను ఏడేళ్ల వయసులో మొదటిసారి మొహాలీకి వచ్చాను. ఒక ప్రేక్షకుడిగా ఇక్కడ చాలా మ్యాచ్‌లు చూశాను, తొలి అంతర్జాతీయ మ్యాచ్ ఆడడం కల సాకారమైంది. ఇక్కడ ఐపీఎల్ మ్యాచ్‌లు జరిగినా.. అంతర్జాతీయ మ్యాచ్ ఆడడం విశేషం" అని గిల్ అన్నాడు.
