కాసుల వర్షం కురిపించే ఐపీఎల్ సీజన్‌లో సన్రైజర్స్ వరుసగా మూడో విజయాన్ని ఖాతాలో వేసుకుంది. కెప్టెన్ విలియమ్సన్ సూపర్ ఇన్నింగ్స్ ఆడటంతో కోల్‌కతాపై ఐదు వికెట్ల తేడాతో గెలుపొందింది. చివర్లో యూసుఫ్ పఠాన్ సిక్స్ బాదగా.. ఈడెన్ గార్డెన్స్‌లో సన్రైజర్స్ తొలి విజయాన్ని అందుకుంది. 139 పరుగుల లక్ష్యంతో బరిలో దిగిన హైదరాబాద్ పవర్ ప్లే ముగిసేలోగానే ఓపెనర్ల వికెట్లను కోల్పోయింది.
ఓపెనర్ క్రిస్ లిన్ (34 బంతుల్లో 49) ధాటిగా ఆడగా.. కెప్టెన్ దినేష్ కార్తీక్ (29), నితీష్ రాణా (18) ఫర్వాలేదనిపించారు. మిగతా బ్యాట్స్‌మెన్ ఎవరూ రెండంకెల స్కోరు చేయలేకపోయారు. దీంతో సన్ రైజర్స్ చేతిలో కోల్ కతా పరాజయం పాలైంది.
