చిక్కుల్లో బెన్ స్టోక్స్... ఒక నిమిషంలో 15 పిడిగుద్దులు (వీడియో)

ఇంగ్లండ్ ఆల్ రౌండర్ బెన్ స్టోక్స్ చిక్కుల్లో పడ్డాడు. బిస్ట్రల్‌లో సోమవారం ఒక పబ్‌లో జరిగిన ఘటనకు సంబంధించి పోలీసులు స్టోక్స్‌ను అరెస్ట్‌ చేసి రాత్రంతా జైల్లో ఉంచారు. విచారణ అనంతరం ఎలాంటి చార్జ్‌ లేకుండానే స్టోక్స్‌ను విడుదల చేసిన సంగతి తెలిసిందే. 

తాజాగా ఈ ఘటనకు సంబంధించిన వీడియోని సన్ న్యూస్‌ పేపర్ బయటపెట్టింది. ఈ వీడియోకి హిట్ ఫర్ సిక్స్ అనే పేరుని పెట్టింది. ఇందులో ఇద్దరు వ్యక్తులపై బెన్ స్టోక్స్ పిడిగుద్దులు కురిపిస్తుండటం స్పష్టంగా కనిపిస్తోంది. స్టోక్స్‌ దాడి చేసిన వ్యక్తికి తీవ్ర గాయాలైనట్లు సోమర్సెట్‌ పోలీసులు తెలిపారు.

బెన్ స్టోక్స్ ఓ వ్యక్తిపై దాడి చేసిన ఘటనకు సంబంధించిన వీడియో ఒకటి సోషల్ మీడియాలో వైరల్ అవుతోంది. ఒక నిమిషంలో 15 పిడిగుద్దులు కురిపించాడంటూ ఫ్యాన్స్ అంటున్నారు. ఈ వీడియో బెన్ స్టోక్స్ దూకుడుని బట్టబయలు చేస్తోంది. 

ఈ ఘటన జరుగుతున్నప్పుడు మరో క్రికెటర్ హేల్స్ కూడా అక్కడే ఉన్నాడు. ఒక దశలో స్టోక్స్ ను అడ్డుకునే ప్రయత్నం కూడా చేశాడు. అయితే ఒక దశలో హెల్స్ కూడా ఒకరిపై చేయిచేసుకోవడంతో వీరిద్దరినీ ఒక వన్డేకు దూరం చేస్తూ ఇంగ్లండ్‌ క్రికెట్ బోర్డు నిర్ణయం తీసుకుంది. ఈ వీడియోపై లుక్కేయండి.