ఈ వీడియో సామాజిక మాధ్యమాల్లో వైరల్ అయింది. కోహ్లీ ధరించే దుస్తులు, కళ్లద్దాలు, టోపీలు, బూట్లు, ఇతర వస్తువులన్నింటినీ ఓ ప్రదర్శనగా ఈ వీడియోలో చూపించారు. దీనిపై కోహ్లీ ఆగ్రహం వ్యక్తం చేయడంతో హోటల్ యాజమాన్యం దిగివచ్చింది.
కోహ్లీకి బేషరతుగా క్షమాపణలు చెబుతున్నట్టు క్రౌన్ టవర్స్ హోటల్ మేనేజ్‌మెంట్ ఓ ప్రకటనలో వెల్లడించింది. ఈ ఘటనకు పాల్పడినవారిని గుర్తించామని తెలిపింది. వారిని విధుల నుంచి తొలగించామని, ఈ వ్యవహారంపై తక్షణమే విచారణ జరుపుతున్నట్టు పేర్కొంది.
