ఆస్ట్రేలియా కెప్టెన్ రికీ పాంటింగ్‌పై పాకిస్తాన్ బ్యాట్స్‌మెన్ ఇమ్రాన్ ఫర్హత్ ప్రశంసల వర్షం కురిపించాడు. బౌలర్ల విధానానికి అనుసరించి ఆడగల సత్తా పాంటింగ్‌కు ఉందని ఫర్హత్ ప్రశంసించాడు. ఇంకా రికీ పాంటింగ్ అద్భుతమైన బ్యాట్స్‌మెన్ అని ఇమ్రాన్ కొనియాడాడు. తన క్రికెట్ కెరీర్‌లో అత్యధిక రికార్డులు బ్రేక్ చేసిన రికీ పాంటింగ్.. మైదానంలో బ్యాటింగ్‌లో ఆడుకుంటాడని ఫర్హత్ తెలిపాడు.
గాయం కారణంగా ప్రతిష్టాత్మక బాక్సింగ్ డే టెస్టుకు రికీ పాంటింగ్ దూరమయ్యే అవకాశాలున్నాయి. పాంటింగ్ స్థానంలో హ్యూస్‌ను ఎంపిక చేయడం జరిగిందని ఫర్హత్ ఈ సందర్భంగా గుర్తు చేశాడు.
కానీ గాయం తీవ్రతను బట్టి బాక్సింగ్ డే టెస్టులో రికీ పాంటింగ్ పాల్గొనే అవకాశం ఉందని ఇమ్రాన్ అన్నాడు. ఆస్ట్రేలియాతో మెల్‌బోర్న్‌లో జరిగే ఈ బాక్సింగ్ డే టెస్టులో క్లిష్ట పరిస్థితులను తమ క్రికెటర్లు కూడా ధీటుగా ఎదుర్కొని రాణిస్తారని ఫర్హత్ ఆశాభావం వ్యక్తం చేశాడు.
