కెప్టెన్ నిర్ణయాలను ఆటగాళ్లు గౌరవించాలి : సౌరవ్ గంగూలీ
గురువారం, 2 మే 2013 (10:00 IST)
File
FILE
కెప్టెన్ తీసుకునే నిర్ణయాలను ఆ జట్టుకు చెందిన మిగిలిన ఆటగాళ్లంతా గౌరవించాలని భారత క్రికెట్ జట్టు మాజీ కెప్టెన్ సౌరవ్ గంగూలీ అభిప్రాయపడ్డారు. ఆస్ట్రేలియా మాజీ కీపర్ ఆడమ్ గిల్‌క్రిస్ట్‌తో కలిసి గంగూలీ ఒక ప్రైవేట్ టీవీ ఛానెల్ నిర్వహించిన కార్యక్రమంలో పాల్గొన్నారు.
ఈ సందర్భంగా గంగూలీ మాట్లాడుతూ కెప్టెన్‌పై విశ్వాసం ఉంచాలని, అతను తీసుకునే నిర్ణయాలను గౌరవించి సహకరించాలని ఇతర ఆటగాళ్లకు హితవు పలికాడు. అదేసమయంలో జట్టులోని సభ్యులందరితో కెప్టెన్ పాదర్శకంగా వ్యవహరించాలని అన్నాడు.
జట్టులో స్థానం పొందిన వారంతా ఒకరికొకరు సహకరించుకుంటే, ఒకరి అభిప్రాయాలను మరొకరు పంచుకోవడమే కాకుండా గౌరవించుకుంటూ ముందుకు వెళితేనే విజయాలు సాధ్యమవుతాయని స్పష్టం చేశాడు. కెప్టెన్‌పై విశ్వాసం లేకుండా మ్యాచ్‌లు ఆడితే, విజయం అసాధ్యమన్నారు.
