బీట్‌రూట్‌లో ఎన్నో ఆరోగ్య ప్రయోజనాలున్నాయి. ఇవి కంటికి, శరీరానికి చల్లదనాన్నిస్తుంది. రక్తంలోని మలినాలను తొలగిస్తుంది. ఇందులో ఫైబర్ పుష్కలంగా ఉంటుంది. క్యాన్సర్‌కు దివ్యౌషధంగా పనిచేసే ఈ బీట్రూట్ ఉదర సంబంధిత సమస్యలను దూరం చేస్తుంది. అలాగే చర్మ సమస్యలను దూరం చేస్తుంది. బీట్ రూట్ రసం, ఆలమ్‌ను కలిపి చర్మ సమస్యలున్న ప్రాంతంలో రాస్తే ఉపశమనం లభిస్తుంది.
బీట్ రూట్ ముక్కలను నిమ్మరసంలో ముంచి తీసుకుంటే రక్తంలో బ్లడ్ సెల్స్ సంఖ్య పెరుగుతుంది. బీట్ రూట్ రసాన్ని.. కీరదోస రసంతో కలిపి తీసుకుంటే మూత్రాశయం శుభ్రమవుతుంది. రోజూ బీట్ రూట్ జ్యూస్ తీసుకుంటే అందులోని యాంటీ-యాక్సిడెంట్లు క్యాన్సర్ కణితులను నశింపజేస్తుంది. బీట్ రూట్‌లో మెగ్నీషియం, ఐరన్, సోడియం, పొటాషియం, క్లోరిన్, విటమిన్ సి, నైట్రేట్స్ పుష్కలంగా ఉన్నాయని ఆరోగ్య నిపుణులు అంటున్నారు.
