ఉసిరితో ఒరిగే ప్రయోజనాల గురించి మనందరికీ తెలిసిందే! అయితే ఉసిరిని పరగడుపున తింటే వ్యాధి నిరోధక శక్తి పెరగడంతో పాటు, పెద్దపేగు ఆరోగ్యం కూడా భేషుగ్గా ఉంటుంది. ఉసిరితో అందే ఇంకొన్ని ఆరోగ్య ప్రయోజాలను పరిశీలిస్తే, విటమిన్ సి సమృద్ధిగా దొరికే ఉసిరిని పరగడుపున తింటే వ్యాధులతో పోరాడే వ్యాధినిరోధక శక్తి పెరగడంతో పాటు, సీజనల్ రుగ్మతలైన జలుబు, దగ్గులు కూడా దరి చేరకుండా ఉంటాయి.
ఉసిరి జీర్ణరసాలను ప్రేరేపింంచి, పేగుల ఆరోగ్యాన్ని పెంచుతుంది. దాంతో జీర్ణశక్తి పెరగడంతో పాటు, పోషకాల శోషణ కూడా మెరుగవుతుంది. మలబద్ధకం కూడా వదులుతుంది. ఉసిరిలోని యాంటీ ఆక్సిడెంట్లు, విటమిన్ సిలు, చర్మానికి బిగుతునిచ్చే కొల్లాజెన్ ఉత్పత్తిని పెంచుతాయి. దాంతో చర్మం మీద ముడతలు తొలగి చర్మంనునుపుగా మారుతుంది.
* మెటబాలిజం పెరిగి, శరీరంలోని విషాలు బయటకు వెళ్లిపోయి శరీర బరువు కూడా అదుపులోకొస్తుంది. ఉసిరిలోని పీచు ఆకలిని అదుపులో ఉంచి, అదనపు క్యాలరీలు శరీరంలోకి చేరకుండా నియంత్రిస్తుంది.
