స్విట్జర్లాండ్‌లో జరిగిన ఓ అగ్నిప్రమాదంలో ముగ్గురు జిమ్మాస్టులు మృతి చెందినట్టు అంతర్జాతీయ జిమ్నస్టిక్స్ సమాఖ్య తెలిపింది. గత నెల 30న ఈ జరిగిన ఈ దుర్ఘటన వివరాలను జిమ్నాస్టిక్స్ సమాఖ్య శుక్రవారం తెలియజేయడం విశేషం.
ఈ విషయమై అంతర్జాతీయా జిమ్నాస్టిక్స్ సమాఖ్య అధికారులు మాట్లాడుతూ స్విట్జర్లాండ్‌లోని ఓ హోటల్‌పై పిడుగుపడడం వల్ల ఆ హోటల్‌కు నిప్పంటుకుందని ఈ సమయంలో ఆ హోటల్లోనే బస చేస్తోన్న అనస్తాసియా, అనా మరీనా, ఓల్లా తదితరలు ఆ మంటల్లో చిక్కుకుని మరణించినట్టు తెలిపారు.
మంటల సమయంలో పై కప్పు కూలడం వల్ల మృతులు తప్పించుకునే అవకాశం లేకుండా పోయిందని వారు తెలిపారు. మరణించిన వారికి అంతర్జాతీయ జిమ్నాస్టిక్స్ సమాఖ్య ప్రగాఢ సానుభూతి తెలిపింది.
