బిలియనీర్ ఎలాన్ మస్క్‌కు చెందిన స్పేస్ ఎక్స్ అమెరికాలోని కేప్ కెనావెరల్ నుండి కమ్యూనికేషన్ శాటిలైట్, GSAT-N2ను విజయవంతంగా ప్రయోగించడం జరిగింది. ఈ విషయాన్ని ఇస్రో వాణిజ్య విభాగం ఎన్ఎస్ఐఎల్ తెలిపింది. ఈ ఉపగ్రహం పూర్తి వాణిజ్య అవసరాలకు సంబంధించినది.
కమ్యూనికేషన్ శాటిలైట్ భారత ప్రాంతం అంతటా బ్రాడ్‌బ్యాండ్ సేవలను, ఇన్-ఫ్లైట్ కనెక్టివిటీని మెరుగుపరుస్తుందని న్యూస్పేస్ ఇండియా లిమిటెడ్ (ఎన్ఎస్ఐఎల్) తెలిపింది.
ఇస్రో ప్రస్తుత ప్రయోగ సామర్థ్యాల కంటే ఈ ఉపగ్రహం బరువైనందున, విదేశీ ప్రయోగ వాహనాన్ని ఎంచుకోవాల్సి వచ్చిందని అగ్రశ్రేణి అంతరిక్ష శాస్త్రవేత్తలు తెలిపారు.
జీశాట్ ఎన్-2తో ఉపయోగాలు..
జీశాట్ 20 ఉపగ్రహాన్ని జీశాట్ ఎన్-2 అని కూడా పిలుస్తారు.
దీని బరువు ఏకంగా 4,700 కిలోలు
దీని ద్వారా మారుమూల ప్రాంతాల్లో కూడా బ్రాడ్‌బ్యాండ్ సేవలను అందించవచ్చు.
విమానాల్లో ప్రయాణికులకు ఇంటర్నెట్‌ సేవలను అందించవచ్చు.
