స్ట్రాబెర్రీ పండ్లలో సూదులు, పిన్నులు బయటపడ్డాయి. ఆస్ట్రేలియాలోని దేశీయ సూపర్ మార్కెట్లలో విక్రయిస్తున్న స్ట్రాబెర్రీ పండ్లలో ఇలాంటివి కనిపించడంతో.. ఆస్ట్రేలియాలోని ఆరు రాష్ట్రాల్లో స్ట్రాబెర్రీ విక్రయాలను ఆపేశారు. అంతేగాకుండా సూదులు, పిన్నుల కారణంగా వినియోగదారులు వాటిని ముక్కలుగా కోసుకుని తినాలని ఆస్ట్రేలియా ప్రభుత్వం సూచించింది.
స్ట్రాబెరీలో సూది ఉన్న కారణంగా ఒక యువకుడు తీవ్రమైన అనారోగ్యానికి గురై ఆసుపత్రిలో చేరాడు. ఈ నేపథ్యంలో స్ట్రాబెరీలను మెటల్ డిటెక్టర్లతో పరిశీలిస్తున్నారు. ఆస్ట్రేలియా నూతన ప్రధాని స్కాట్ మారిసన్ దీనిని ఉగ్రవాద చర్యగా అభివర్ణించారు. ఇలాంటి చర్యలకు పాల్పడుతున్న వారిని అరెస్ట్ చేసి.. 15 ఏళ్ల జైలుశిక్ష విధిస్తామని హెచ్చరించారు. ఈ చర్యలకు పాల్పడే నిందితుల ఆచూకీ తెలిపిన వారికి సుమారు రూ.50లక్షల నజరానాను ప్రకటించింది.
కాగా ఆస్ట్రేలియా స్ట్రాబెర్రీలను హాంకాంగ్, మలేషియా, సింగపూర్, థాయ్‌లాండ్, యూఏఈలకు ఎగుమతి చేస్తోంది. ఇప్పటికే బిగ్ రిటైలర్ అయిన న్యూజిలాండ్ ఆస్ట్రేలియా స్ట్రాబెర్రీల విక్రయాన్ని వెనక్కి తీసుకుంది. రష్యా, యూకే విక్రయదారులు ఆస్ట్రేలియా స్ట్రాబెర్రీల ఎగుమతిని నిషేధించాయి.
