విదేశాల్లో కూడా పెద్ద హీరోగా మారిపోతున్నాడు హీరో విజయ్ దేవరకొండ. పెళ్ళిచూపులు, అర్జున్ రెడ్డి, గీత గోవిందం ఇలా వరుసగా మూడు సినిమాలు మిలియన్ డాలర్లను కొల్లగొట్టాయి. తాజాగా అమెరికాతో పాటు ఆస్ట్రేలియాలోను తన మార్కెట్‌ను పెంచుకుంటున్నాడు విజయ్.
అమెరికాలో ప్రీమియర్ షోకు 4 లక్షల డాలర్లు వచ్చాయి. విదేశాల్లో ప్రదర్శితమయ్యే సినిమాలకు ఎక్కువగా డబ్బులు వస్తాయి. ఇక ఐదురోజుల తరువాత 1.5 మిలియన్ డాలర్లను అందుకుని ఈ యేడాది అతిపెద్ద హిట్‌గా నిలిచిందట. మరో రెండుమూడు వారాల పాటు ఇదే స్థాయిలో సినిమా ప్రదర్శితమయ్యే అవకాశం ఉందంటున్నారు సినీ విశ్లేషకులు. గీత గోవిందం సినిమాతో అమెరికాలో తెలుగు ప్రేక్షకులు విజయ్‌కు ఫ్యాన్స్ అయిపోయారట. అమ్మాయిలైతే విజయ్ దేవరకొండ ఫ్లెక్సీకి పాలాభిషేకం చేసి ముద్దులు కూడా ఇచ్చేస్తున్నారట.
