చెన్నై సూపర్ కింగ్స్ ఆట అనగానే ఇప్పుడు స్పెషల్ అట్రాక్షన్‌గా ధోనీ కుమార్తె జివా కనబడుతోంది. మంగళవారం రాత్రి ఫిరోజ్ షా కోట్ల వేదికగా జరిగిన మ్యాచ్‌లో చెన్నై సూపర్ కింగ్స్ జట్టు ఢిల్లీ క్యాపిటల్స్‌తో తలపడింది. ఈ మ్యాచ్ చివరి వరకూ ఆద్యంతం ఉత్కంఠగా సాగింది. చివరి ఓవర్లో ఖచ్చితంగా సిక్సర్ లేదా ఫోర్ కొట్టాల్సిన పరిస్థితి.
తొలుత బ్యాటింగ్ చేసిన ఢిల్లీ జట్టు 6 వికెట్ల నష్టానికి 147 పరుగులు చేసింది. ఈ లక్ష్య ఛేదనలో చెన్నై సూపర్ కింగ్స్ బ్యాట్సమన్ వాట్సన్ 26 బంతుల్లో 4x4, 3x6 కొట్టి 44 పరుగులు చేశాడు. ఆ తర్వాత మహేంద్రసింగ్ ధోని 35 బంతుల్లో 2x4, 1x6 కొట్టి 32 పరుగులతో నాటవుట్‌గా నిలిచి బాధ్యతాయుత ఇన్నింగ్స్ ఆడాడు. దీనితో మరో 2 బంతులు మిగిలి ఉండగానే చెన్నై సూపర్ కింగ్స్ 4 వికెట్లు కోల్పోయి 150 పరుగులతో విజయం సాధించింది.
