భారత గణతంత్ర దినోత్సవం సందర్భంగా ఫౌ-జి గేమ్ లాంచ్‌ అయింది. ఈ గేమ్‌ను ప్రస్తుతం డౌన్‌లోడ్‌ చేసుకోవచ్చని అక్షయ్‌ కుమార్‌ ట్వీట్‌ చేశారు. ఆండ్రాయిడ్‌ 8.0 ఆపైన వెర్షన్‌ ఉన్న ఫోన్లలో ఈ గేమ్ ఇన్‌స్టాల్‌ అవుతుంది. దీన్ని గూగుల్‌ ప్లే స్టోర్‌లో డౌన్‌లోడ్‌ చేసుకోవాల్సి ఉంటుంది. త్వరలోనే ఐఓఎస్‌ ప్లాట్‌ఫాంపై కూడా ఈ గేమ్‌ను లాంచ్‌ చేయనున్నారు.
ఇప్పటికే ఫౌ-జి గేమ్‌కు చెందిన టీజర్‌, ట్రైలర్లు గేమింగ్‌ ప్రియులను ఆకట్టుకున్నాయి. ముందుగా గాల్వన్‌ లోయ నేపథ్యంలో యూజర్లు గేమ్ ఆడవచ్చు. తరువాత పబ్‌జి తరహాలో బ్యాటిల్‌ రాయల్‌ మోడ్‌ను అందుబాటులోకి తెస్తారు. అయితే ఫౌ-జి గేమ్ ఇండియన్‌ గేమింగ్‌ ప్రియులను ఏ విధంగా ఆకట్టుకుంటుందో చూడాలి.
