వొడాఫోన్, ఐడియా కస్టమర్ల ఓ గుడ్ న్యూస్. కరోనా మహమ్మారి విజృంభిస్తున్న ఈ విపత్కర సమయంలో వర్క్ ఫ్రమ్ హోం, ఆన్లైన్ క్లాసులకు ప్రాధాన్యత పెరిగిన నేపథ్యంలో.. 'వీఐ' తాజాగా డేటా రోల్ ఓవర్ ఆఫర్‌తో ముందుకొచ్చింది. దీనికి సంబంధించిన వివరాలను 'వీఐ' తన అధికారిక వెబ్ సైట్లో పొందుపర్చింది.
అయితే, ఈ వారాంతపు డేటా రోల్ఓవర్ ఆఫర్ కేవలం అన్‌లిమిటెడ్ ప్రీపెయిడ్ ప్లాన్లను సబ్ స్క్రైబ్ చేసుకున్ వినియోగదారులకు మాత్రమే వర్తిస్తుంది. ఈ ఆఫర్‌ను పొందాలంటే వినియోగదారుడు రూ. 249లేదా అంతకంటే ఎక్కువ ప్లాన్లను ఎంచుకోవాల్సి ఉంటుంది.
కాగా, ప్రస్తుతం 'వీఐ' ప్రీపెయిడ్ కస్టమర్లు వారి ప్రీపెయిడ్ ప్లాన్‌లో భాగంగా పరిమిత మొబైల్ డేటాను మాత్రమే వాడుకునే అవకాశం ఉంది. వినియోగదారుడు తాము ఆ రోజు ఉపయోగించని డేటా మరుసరి రోజుకు బదిలీ అయ్యే అవకాశం ఉండేది కాదు. కానీ, ఈ నూతన డేటా రోల్ఓవర్ ఆఫర్ కింద చేరిన వినియోగదారులు తాము ఉపయోగించని డేటాను సైతం ఆస్వాదించగలుగుతారు.
