వినియోగదారులు ఒకరితో ఒకరు ఎలా మాట్లాడుకుంటారో అలాగే మెటా ఏఐతో సహజమైన సంభాషణలు చేయవచ్చు. అంటే తమకు కావాల్సిన వివరాల కోసం వాయిస్ మెసేజ్ ద్వారా మెటా ఏఐ ను ప్రశ్నించవచ్చు. ఇంతకుముందు యూజర్లు టెక్స్ట్, వీడియో ద్వారా మాత్రమే ఇంటరాక్ట్ అయ్యే అవకాశం ఉండటంతో మెటా ఈ కొత్త వాయిస్ ఫీచర్ పై దృష్టి సారించింది.
జూన్‌లో, మెటా జెనరేటివ్ ఆర్టిఫిషియల్ ఇంటెలిజెన్స్ (జెన్ AI)-శక్తితో నడిచే Meta AI చాట్‌బాట్‌ను వాట్సాప్, ఇన్‌స్టాగ్రామ్, ఫేస్‌బుక్‌కి విడుదల చేసింది. ప్రస్తుతం మార్క్ జుకర్‌బర్గ్ యాజమాన్యంలోని సంస్థ వాట్సాప్‌లో Meta AIకి వాయిస్‌లో ప్రశ్నలు అడగడానికి కొత్త ఎంపికను తీసుకురావాలని యోచిస్తోంది. పరీక్ష కోసం వాట్సాప్ బీటా వీ2.24.17.3 తాజా ఆండ్రాయిడ్ వెర్షన్‌లో కొత్త ఫీచర్ ప్రవేశపెట్టబడింది.
