బాలీవుడ్ నటుడు, రాజకీయ నేత అజాజ్ ఖాన్ భార్య ఫాలన్ గులివాలా (40)ను ముంబై పోలీసులు అరెస్టు చేశారు. విదేశీయురాలైన గులివాలా నివాసం ఉండే జోగీశ్వరి ప్రాంతంలోని ఇంట్లో బుధవారం కస్టమ్స్ అధికారులు తనిఖీలు చేశారు. ఈ సందర్భంగా వారు పలు రకాలైన డ్రగ్స్‌ను స్వాధీనం చేసుకుని, ఆమెను అరెస్టు చేశారు.
పార్సిల్ తన పేరున ఉన్నప్పటికీ అజాజ్ మేనల్లుడు ఫర్హాన్ వాటిని ఆర్డర్ చేసినట్టు విచారణలో సూరజ్ తెలిపాడు. ఈ నేపథ్యంలో బుధ, గురువారాల్లో జోగేశ్వరిలోని అజాజ్ ఖాన్ భార్య ఫాలన్ అజాజ్ గులివాలా పేరున ఉన్న ఇంట్లో అధికారులు సోదాలు నిర్వహించారు.
గులివాలా నివాసంలో నిర్వహించిన సోదాల్లో 136 గ్రాముల చరాస్, 33 గ్రాముల మెఫెడ్రోన్ ఖాళీ పౌచ్‌లు, 28 గ్రాముల మెఫెడ్రోన్ మాత్రలు, ఇతర మత్తు పదార్థాలు, రూ.11 లక్షల నగదు లభించాయని, దీంతో ఆమెను అరెస్టు చేసినట్టు అధికారులు తెలిపారు. భార్య అరెస్ట్ నేపథ్యంలో ఇప్పుడు అజీజ్ ఖాన్ వాంగ్మూలాన్ని నమోదు చేసేందుకు అధికారులు రెడీ అవుతున్నారు.
