ఈ వివరాలను పరిశీలిస్తే, జిల్లాలోని అజ్జంపుర ప్రాంతానికి చెందిన సతీశ్ అనే అదేప్రాంతానికి చెందిన రూప (28) అనే మహిళను 9 యేళ్లపాటు ప్రేమించి పెళ్లి చేసుకున్నాడు. గతంలో డ్రైవర్‌గా పని చేస్తూ వచ్చిన సతీశ్.. ఆ పనికి స్వస్తిపలికి తాము నివశించే ప్రాంతంలోనే చికిన్ షాపు తెరిచాడు.
ఈ నేపథ్యంలో చికెన్ షాపుకు వచ్చి వెళ్లే సునీల్ అనే వ్యక్తితో రూపకు పరిచయం ఏర్పడింది. ఈ పరిచయం కాస్త వివాహేతర సంబంధానికి దారితీసింది. ఈ విషయం సతీశ్‌కు తెలియడంతో పద్ధతి మార్చుకోవాలంటూ హెచ్చరించాడు. రూప ప్రవర్తనలో మార్పురాలేదు. చివరకు విషయం కుటుంబ సభ్యులకు తెలిసి పెద్దలు రాజీ కుదిర్చారు. అయినప్పటికీ ఫలితం కనిపించలేదు.
ఈ పరిస్థితుల్లో సోమవారం ఉదయం సతీశ్ ఎప్పటిలాగే చికెన్ షాపు తెరిచాడు. కొంతసేపటి తర్వాత ఏదో పనినిమిత్తం ఇంటికి వచ్చాడు. ఆ సమయంలో పడక గదిలో ప్రియుడి పక్కలో భార్య ఉండటాన్ని కళ్లారా చూసి తట్టుకోలేక పోయాడు. వెంటనే వంటింట్లో ఉన్న కొడవలితో సునీల్‌పై దాడి చేసేందుకు ప్రయత్నించగా, అతను తప్పించుకుని పారిపోయాడు.
