న్యూయార్క్ పోస్ట్‌లోని వార్తా నివేదిక ప్రకారం, ఈ అసాధారణ కుక్క ప్రపంచంలోని అత్యంత ఖరీదైన కుక్కలలో ఒకటి మాత్రమే కాదు, ఈ రకమైన క్రాస్ బ్రీడింగ్ చేయడం వల్ల పుట్టిన మొదటి కుక్కగా నమ్ముతారు.
ఈ సందర్భంగా సతీష్ మాట్లాడుతూ, కుక్కలంటే తనకు చాలా ఇష్టం, ప్రత్యేకమైన కుక్కలను కలిగి ఉండటానికి, వాటిని భారతదేశానికి పరిచయం చేయడానికి ఇష్టపడటం వలన కుక్కపిల్లని కొనడానికి 50 మిలియన్ రూపాయలు ఖర్చు చేశానని తెలిపారు.
అమెరికన్ కెన్నెల్ క్లబ్‌లోని నివేదిక ప్రకారం, ఈ కుక్క జాతి దాని రక్షణాత్మక ప్రవృత్తి, తెలివితేటలకు ప్రసిద్ధి చెందింది. దీని వయసు కేవలం ఎనిమిది నెలలు మాత్రమే. ఇంకా 5 కిలోల కంటే ఎక్కువ బరువు ఉంటుంది. ఈ కుక్క 7 ఎకరాల పొలంలో దాని సంరక్షకులతో విలాసవంతంగా ఉంటుంది.
ఒకామి అనే పేరు చైనా పేరులా కనిపిస్తుంది కానీ అది పుట్టింది అమెరికాలో. ఇది ప్రతిరోజూ 3 కిలోల పచ్చి మాంసం తింటుంది. ఈ కుక్క మనిషి మీద పడితే మాత్రం అతని కాళ్లు, చేతులు విరగడం ఖాయం. ఈ కుక్కకు రోజూ వారీ ఖర్చులు భారీగా ఉంటాయి.
