ఎన్నికల అఫిడవిట్‌లో తప్పుడు సమాచారం... అజిత్ జోగి కుమారుడు అరెస్టు

మంగళవారం, 3 సెప్టెంబరు 2019 (12:48 IST)
ఎన్నికల అఫిడవిట్‌లో తప్పుడు సమాచారం ఇచ్చినందుకుగాను ఛత్తీస్‌గఢ్ మాజీ ముఖ్యమంత్రి అజిత్ జోగి కుమారుడు అమిత్ జోగిని మంగళవారం పోలీసులు అరెస్టు చేశారు. 
 
అమిత్ జోగి 2013లో జరిగిన ఎన్నికల్లో మర్వాహి స్థానంలో పోటీ చేశారు. ఇందుకోసం ఆయన ఓ అఫిడవిట్‌ను సమర్పించారు. ఇందులో తన పుట్టిన తేదీతోపాటు.. కులాన్ని తప్పుగా ప్రస్తావించారు. 
 
దీంతో జోగి ప్రత్యర్థి, బీజేపీ నాయకురాలు సమీరా పైక్రా పోలీసులకు ఫిర్యాదు చేసింది. దీనిపై సుధీర్ఘకాలంగా విచారణ సాగింది. ఈ విచారణ తర్వాత అమిత్ జోగిని స్థానిక పోలీసులు అరెస్టు చేశారు. 
 
కాగా, జోగి 1977లో టెక్సాస్‌లో జన్మిస్తే.. అఫిడవిట్‌లో మాత్రం 1978లో ఛత్తీస్‌గఢ్‌లోని గౌరీలా గ్రామంలో జన్మించినట్లుగాను, తన కులాన్ని షెడ్యూల్డ్ తెగలు (ఎస్టీ)గా పేర్కొన్నట్టు ఆమె తన ఫిర్యాదులో పేర్కొంది. 

వెబ్దునియా పై చదవండి

సంబంధిత వార్తలు