గత ఏడాది జేడీఎస్‌ను వీడి బీజేపీలో చేరిన రాజు గౌడ, హెచ్.విశ్వనాథ్, ఎంబీటీ నాగరాజ్‌ సహా పలువులు ఎమ్మెల్యేలకు ఈనెల 6న యడియూరప్ప జరిపే మంత్రివర్గ విస్తరణలో చోటు దక్కే అవకాశం లేదని వినిపిస్తుండటంతో వారు అసంతృప్తితో ఉన్నారని తెలుస్తోంది.
తిరిగి తమ పాతగూటికే చేరేందుకు పలువురు జేడీఎస్, కాంగ్రెస్ నేతలు ప్రయత్నాలు చేస్తున్నారని కూడా ప్రచారం జరుగుతోంది. కాగా, అసమ్మతి ఎమ్మెల్యేలను బుజ్జగించే విషయమై పార్టీ అంతర్గత సమావేశంలో చర్చించే అవకాశం ఉన్నందున గురువారం వరకూ ఎమ్మెల్యేలు వేచిచూడాల్సి ఉంటుందని బీజేపీ వర్గాలు చెబుతున్నాయి.
