తాను కోపంతో రాజకీయాల్లోకి రాలేదని, బాధతో రాజకీయాల్లోకి వచ్చానని పేర్కొన్నారు. విధాన సమావేశాల మధ్య టార్చ్ పట్టుకోవడం తనకు ఇష్టం లేదని కమల్ హాసన్ తెలిపారు. దేశ పౌరసత్వం ప్రమాదంలో పడిందని, తమ డిమాండ్ల కోసం రైతులు ఢిల్లీలో నిరసనలు చేస్తున్నారని కమల్ అన్నారు.
రైతులకు శత్రువుల మాదిరిగానే కేంద్ర ప్రభుత్వం గౌరవం ఇస్తోందని కమల్ హాసన్ విమర్శించారు. దేశ వ్యాప్తంగా రాష్ట్రాలకు సమానంగా నిధుల పంపిణీ జరగాల్సిన అవసరం ఉందని పేర్కొన్న కమల్ హాసన్ కేంద్రంపై తీవ్ర విమర్శలు గుప్పించారు. దేశం గురించి నిస్వార్థంగా ఆలోచించే పార్టీతో మక్కల్ నీది మయ్యమ్ కూటమిలో భాగమని ప్రకటించారు.
రానున్న లోక్‌సభ ఎన్నికల్లో కాంగ్రెస్ పార్టీకి మద్దతు తెలిపేందుకు డీఎంకే కూటమిలో తమ పార్టీ భాగమని కమల్ హాసన్ చెప్పారు. ఎన్నికల విజయాల కంటే ప్రజలకు వారి కర్తవ్యాన్ని గుర్తు చేయడం, నాయకత్వానికి సిద్ధం చేయడం చాలా ముఖ్యం. మనమందరం కలిసి ప్రజాస్వామ్య రథాన్ని లాగాలనే భావాన్ని కలిగించడం అవసరమైన రాజకీయ కార్యాచరణ. మక్కల్ నీది మయ్యం లాంటి ప్రజాస్వామిక శక్తుల ఆవశ్యకత రోజురోజుకూ పెరుగుతోంది. కుల, మత వర్గాలు ఉన్నంత కాలం, ఉత్తరాది, దక్షిణాది బ్రతుకుతున్నంత కాలం అవినీతి, కొనసాగుతున్నంత వరకు మన పోరాటం విశ్రమించదు... అని కమల్ హాసన్ తెలిపారు.
