దేశంలో కరెన్సీ కల్లోలానికి కారణం ఎవరో తెలుసా. ఓ చార్టర్డ్ అకౌంటెంట్. ఆయన పేరు అనిల్ బొకిల్. ఔరంగాబాద్ వాసి. ఈయన చార్టర్డ్ అకౌంటెంట్ మాత్రమే కాదు.. ఓ ఆర్కిటెక్ట్ కూడా. అయితే, నల్లధనాన్ని అరికట్టేందుకు ఆయన తన వంతు కృషి చేస్తున్నారు. ఇందులోభాగంగా ఆయన పలు సూచనలు సిద్ధం చేశారు. వీటిని ఏకంగా ప్రధానమంత్రి నరేంద్ర మోడీకి చెప్పుకోవాలని భావించి.. అపాయింట్మెంట్ కోరారు.
ఆయన చేసిన ప్రతిపాదనల్లో... పెద్ద విలువ కలిగిన రూ.500, రూ.1000లను తక్షణం రద్దు చేయాలి. ఎక్కువ మొత్తంలో జరిగే ఆర్థిక లావాదేవీలన్నీ బ్యాంకు మార్గంలోనే జరగాలి. డీడీ, ఆన్ లైన్, చెక్కు రూపంలోనే ఇవి ఉండాలి. నగదు లావాదేవీలకు నిర్దిష్టమైన పరిమితి విధించి... దానిపై పన్ను లేకుండా చూడాలి.