ఓ బాలికను యువకుడు ప్రేమిస్తున్నానని వెంటపడ్డాడు. దాంతో తెలిసితెలియని వయసులో ఆ బాలిక కూడా అతన్నే ప్రేమించింది. ఈ విషయం బాలిక తండ్రికి తెలిసి ముందు ఒప్పుకోలేదు. అనంతరం ఒప్పుకున్నాడు. కానీ పెండ్లి నిశ్చయమయ్యాక యువకుడి గురించి షాకింగ్ విషయం తెలిసింది. దాంతో పెండ్లి రద్దయింది. ఈ ఘటన గుజరాత్‌‌లోని సూరత్‌లో బెస్తాన్ ఏరియాలో చోటుచేసుకుంది.
ఈ వయసులో ప్రేమేంటి అంటూ మండిపడ్డాడు తండ్రి. ఆ తర్వాత తన కూతురి జీవితం ఏమవుతుందో ఏమోనని, ఇంటి పరువు పోతుందేమో అని అనుకుంటూ ఆమె మైనర్ అయినా వారిద్దరికీ పెండ్లి చేయడానికి ఒప్పుకున్నాడు. రెండువైపులా పెండ్లికి అంగీకరించారు. ఇంతలో ఓ రోజు బాలికను సాజిద్ తన ఫ్లాట్‌కి తీసుకెళ్లాడు.
ఇది ఆమెకు నచ్చలేదు. పెండ్లికి ముందే తనను అర్థం చేసుకోవట్లేదు.. ఇక పెండ్లయ్యాక ఏం అర్థం చేసుకుంటాడు అని అనుకుంది. తండ్రి దగ్గరకు వెళ్లి జరిగింది చెప్పింది. పెండ్లికి ముందే మూడుసార్లు లైంగికదాడికి పాల్పడ్డాడు అని తెలియడంతో ఆగ్రహంతో రగిలిపోయిన అతను అత్వా పోలీస్ స్టేషన్‌లో ఫిర్యాదు చేశారు. పోలీసులు కేసు నమోదు చేసుకుని సాజిద్‌ని అదుపులోకి తీసుకున్నారు.
