తమిళనాడు రాష్ట్రంలో బోరు బావిలో పడిన రెండేళ్ళ బాలుడు ప్రాణాలు విడిచాడు. అతన్ని ప్రాణాలతో రక్షించేందుకు చేపట్టిన అన్ని రకాల సహాయక చర్యలు, సజీవంగా వెలికి తీయాలన్న ప్రయత్నాలు ఫలించలేదు. బాలుడిని వెలికి తీసేందుకు సహాయక చర్యలు చేపట్టిన అధికారులు.. లోపలి నుంచి దుర్వాసన వస్తుండడంతో సుజిత్ చనిపోయాడని నిర్ధారించి సహాయక చర్యలు నిలిపివేశారు.
ముఖ్యంగా, ఆ బాలుడు వంద అడుగుల లోతులో చిక్కుకుపోయినట్టు గుర్తించిన అధికారులు రక్షించేందుకు ప్రయత్నాలు ప్రారంభించారు. బోరుబావికి సమాంతరంగా గొయ్యి తవ్వారు. అయితే, బండరాళ్ల కారణంగా సహాయక చర్యలు ఆలస్యమయ్యాయి. బాబుకు ఆక్సిజన్ అందిస్తూ వచ్చారు.
