దేశ అధ్యక్షురాలు ద్రౌపది ముర్ము ప్రధానికి జన్మదిన శుభాకాంక్షలు తెలిపారు. "ప్రధానమంత్రి నరేంద్ర మోడీ జీకి పుట్టినరోజు శుభాకాంక్షలు. సాటిలేని కఠోర శ్రమ, అంకితభావం, సృజనాత్మకతతో మీరు చేపడుతున్న దేశ నిర్మాణ సంగ్రామం మీ నాయకత్వంలో కొనసాగాలని కోరుకుంటున్నాను. భగవంతుడు మీకు మంచి ఆరోగ్యం దీర్ఘాయువును ప్రసాదించాలని కోరుకుంటున్నాను" అంటూ ట్వీట్ చేశారు. దేశ రక్షణ మంత్రి రాజ్‌నాథ్ సింగ్ ప్రధాని నరేంద్ర మోదీకి జన్మదిన శుభాకాంక్షలు తెలిపారు. ప్రధాని నరేంద్ర మోదీకి హోంమంత్రి అమిత్ షా జన్మదిన శుభాకాంక్షలు తెలియజేశారు.
కాగా.. నమీబియా నుంచి 8 చీతాలతో బయలుదేరిన బోయింగ్ విమానం బి747 జంబోజెట్ మధ్యప్రదేశ్‌లోని గ్వాలియర్‌లో ల్యాండైంది. చీతాలను తీసుకొచ్చేందుకు విమానాన్ని ప్రత్యేకంగా తీర్చిదిద్దిన అధికారులు దాని ముఖాన్ని ‘చీతా’ బొమ్మతో అందంగా తీర్చిదిద్దారు. గ్వాలియర్ విమానాశ్రయంలో ల్యాండైన విమానానికి అధికారులు స్వాగతం పలికారు.
