ఢిల్లీ ముఖ్యమంత్రి అరవింద్ కేజ్రీవాల్ అరెస్టు అంశం ఇపుడు దేశ వ్యాప్తంగా చర్చనీయాంశంగా మారింది. ఆయన అరెస్టును ఒక్క భారతీయ జనతా పార్టీ సారథ్యంలోని ఎన్డీయే భాగస్వామ్యపక్షాలు మినహా మిగిలిన అన్ని పార్టీలు తీవ్రంగా ఖండిస్తూ, వ్యతిరేకిస్తున్నాయి. అయితే, కాంగ్రెస్ వృద్ధనేత, మాజీ రాష్ట్రపతి ప్రణబ్ ముఖర్జీ కుమార్తె షర్మిష్ట ముఖర్జీ తీవ్ర వ్యాఖ్యలు చేశారు. గతంలో కాంగ్రెస్ మహిళా నాయకురాలు షీలా దీక్షిత్ ఢిల్లీ ముఖ్యమంత్రిగా ఉన్న సమయంలో కేజ్రీవాల్, అన్నా హజారే గ్రూపు ఆమెపై నిరాధారమైన ఎన్నో ఆరోపణలు చేశారని ఆరోపించారు. షీలాపై చేసిన ఆరోపణలకు సంబంధించి ప్రజలకు ఒక్క ఆధారాన్ని కూడా చూపించలేకపోయారని అన్నారు.
