తాజాగా వెలుగులోకి వచ్చిన ఈ వివరాలను పరిశీలిస్తే, పిసంగ‌న్ పీఎస్‌లో ప‌నిచేసే ఓ కానిస్టేబుల్ మైనర్ బాలికకు అభ్యంత‌ర‌క‌ర మెసేజ్‌లు, వీడియోలు పంపాడు. ఈ విషయాన్ని ఆ బాలిక తన తల్లిదండ్రుల దృష్టికి తీసుకెళ్ళింది.
సింగ్ గ‌త కొద్ది నెల‌లుగా బాలిక‌ను వేధిస్తున్నాడ‌ని నిందితుడిపై ఫిర్యాదు చేసిన పిసంగ‌న్ పంచాయితీ స‌మితి స‌భ్యుడు ప్ర‌దీప్ కుమ‌వాత్ వెల్ల‌డించారు. దీంతో నిందితుడు విక్రం సింగ్‌పై ఐటీ, పోక్సో చ‌ట్టాల కింద కేసు న‌మోదు చేశారు.
ఫిర్యాదు ఆధారంగా కానిస్టేబుల్ సింగ్‌పై కేసు న‌మోదు చేశామ‌ని, ద‌ర్యాప్తు అనంత‌రం నిందితుడిని అరెస్ట్ చేస్తామ‌ని అజ్మీర్ ఎస్పీ జ‌గదీష్ చంద్ర శర్మ తెలిపారు. నసీరాబాద్ స‌ద‌ర్ పోలీస్ స్టేష‌న్ ఇన్‌చార్జ్ ఈ కేసును విచారిస్తున్నార‌ని పోలీసులు చెప్పారు.
