కాశ్మీర్‌లో ఓ బాలిక నరకం అనుభవించింది. తనకు ఎదురైన ఘటనను చెప్పుకుని.. తనకు ఏర్పడిన దుర్గతి ఎవరికీ పట్టకూడదని ఆ దేవుడిని వేడుకుంది. ఇంతకీ ఏం జరిగిందంటే..? జనవరి 21వ తేదీన మైనర్ బాలికను దుండగులు కిడ్నాప్ చేశారు. ఆమెను గుర్తు తెలియని ప్రదేశానికి తీసుకెళ్లి మత్తుమందులిచ్చి పలుమార్లు అత్యాచారానికి పాల్పడ్డారు. అనంతరం వీడియోలు కూడా తీశారు.
అంతటితో ఆగకుండా ఆ వీడియోలు చూపించి బ్లాక్‌ మెయిల్ చేస్తూ పలుమార్లు అత్యాచారానికి పాల్పడ్డారని ఆ బాలిక కన్నీటి పర్యంతమైంది. కుల్గాం పోలీసులు ఆ బాలికను ముగ్గురు కామాంధుల చెర నుంచి కాపాడటంతో ఈ ఘటన వెలుగులోకి వచ్చింది. నిందితులను అరెస్ట్ చేసిన పోలీసులు, నిందితురాలి వద్ద వాంగ్మూలాన్ని రికార్డు చేశారు. ఇంకా ఆ ముగ్గురిని కఠినంగా శిక్షించాలని బాధితురాలు డిమాండ్ చేస్తోంది.
