వ్యవసాయ బిల్లులను వ్యతిరేకిస్తూ శాంతియుతంగా సాగుతున్న రైతుల ఉద్యమాన్ని దెబ్బతీసేందుకే కేంద్రం కుట్రపూరితంగా వ్యవహరించిందని పేర్కొంది. గణతంత్ర దినోత్సవం రోజు దేశ రాజధానిలో చెలరేగిన హింస సమర్ధనీయం కాదని, దీనికి కేవలం రైతులనే నిందించడం తగదని పార్టీ పత్రిక సామ్నా సంపాదకీయంలో రాసుకొచ్చింది.
కానీ, వారు చేపట్టిన ట్రాక్టర్ ర్యాలీ భగ్నం చేసేందుకు రైతులను రెచ్చగొట్టి హింసకు మళ్లిస్తే వారి ఆందోళనను నీరుగార్చవచ్చని కేంద్ర ప్రభుత్వం కోరుకుందని పేర్కొంది. చేతిలో కర్రలతో కనిపించిన రైతులను జాతి విద్రోహులుగా పిలుస్తున్నారని.. కాల్పులు జరపండి.. హతమార్చండి అని పిలుపుఇచ్చిన వారంతా ప్రధాని నరేంద్ర మోడీ కేబినెట్‌లో ఇంకా మంత్రులుగా ఉన్నారని వ్యాఖ్యానించింది.
