మన దేశం నుంచి విదేశాలకు వెళ్లేవారు.. అంటే పైచదువులకు కావచ్చు లేదా మంచి ఉద్యోగం కోసం కావచ్చు... ఎక్కువగానే వుంటారు. అమెరికా అధ్యక్షుడిగా ట్రంప్ ఎన్నికయ్యాక అక్కడ వీసా నిబంధనలు కఠినతరమైన సంగతి తెలిసిందే. ఐతే అమెరికాలో సెటిల్ కావాలనుకునేవారికి కొత్తగా ఓ అవకాశం కల్పించింది అక్కడి ప్రభుత్వం. అమెరికాలో శాశ్వత నివాసం ఏర్పరుచుకునేందుకు సింపుల్‌గా 5 లక్షల డాలర్ల పెట్టుబడి పెడితే చాలు.
అంతేనా అంటే... ఇలా పెట్టుబడి పెట్టడంతో పాటు అమెరికాకు చెందిన 10 మంది పౌరులకు ఉపాధి కూడా కల్పించాలి. ఇలా చేస్తే పెట్టుబడి పెట్టిన వారితో పాటు అతడి భార్య, 21 ఏళ్ల లోపు వున్న వారి పిల్లలకు గ్రీన్ కార్డ్ వచ్చేస్తుంది. దీనికి ఈబీ-5 వీసా అని పేరు పెట్టారు. కాబట్టి అమెరికాలో శాశ్వతంగా వుండాలనుకునేవారు ఇలాంటి దారిలో గ్రీన్ కార్డ్ సాధించవచ్చని ఇటీవలే హైదరాబాద్ మాదాపూర్‌లోని ఓ సదస్సులో అవగాహన కల్పించారు.
