చిత్తా నక్షత్రానికి కుజుడు అధిపతి. ఈ నక్షత్రంలో జన్మించిన జాతకులు తన నిర్ణయమే సరైందని వాదిస్తారు. ఇతరుల సాయం పొందుతారు. కానీ ఇతరులకు సాయం చేసే విషయంలో మాత్రం వెనుకడుగు వేస్తారు. ప్రయోజనం లేని చర్చలు, కోపతాపాలు వీరి నైజం. ఆవేశాలతో చేదు అనుభవాలనే మిగుల్చుకుంటారు. తాను చేసిన సహాయాన్ని భూతద్దంలో చూపించేందుకు ప్రతిసారీ ప్రయత్నిస్తారు.
భాగస్వామ్యుల సహకారం లేనిదే జీవితంలో రాణించలేరు. స్థిరాస్థులు వంశపారంపర్యంగా అందుతుంది. సొంతంగానూ ఆస్తులు కూడబెట్టుకుంటారు. రాజకీయ రంగం వీరికి కలిసివస్తుంది. ఇంకా సాంకేతిక, వైద్య రంగాల్లో ఆర్థిక పరమైన వ్యాపారాల్లో మంచి పట్టు సాధిస్తారు. మంచి సలహాదారులు చెంతనే ఉండటం ద్వారా అధిక లాభాలు పొందుతారు.
అందం, ఇతరులను ప్రేమించడం, ఆధిపత్యం వీరికి సొంతం. ఉన్నత పదవులను అలంకరిస్తారు. కానీ సులభంగా ఇతరులను నమ్మేస్తారు. ఇదే వీరి బలహీనత. 2018లో తప్పకుండా స్థిరాస్తిని పొందుతారు.
