శ్రీవారి ఏడు కొండలు పొగమంచుతో చుట్టుముట్టాయి. తిరుమల సప్త గిరులు హిమ గిరులను తలపిస్తున్నాయి. వెంకన్న ఏడు కొండలు మంచు కొండల్లా మారాయి. శ్రీవారి కొండలను మంచు దుప్పటి కప్పేసింది. ముఖ్యంగా తిరుమల రెడో ఘాట్ రోడ్డు వద్ద ఆనుకుని వున్న కొండ లోయలలో తెరలు తెరలుగా మంచు తివాచీలు పంచుకున్నాయి. ఈ దృశ్యాలు భక్తులను ఆశ్చర్య పరుస్తున్నాయి. దివి నుంచి భువికి వెండి మబ్బులు దిగివచ్చినట్లు ఆ వాతావరణం ఆహ్లాదకరంగా మారింది. ఈ దృశ్యాలను భక్తులు సెల్ ఫోన్లలో బంధించి ఎంజాయ్ చేస్తున్నారు.
ముందుగా టిక్కెట్లు బుక్ చేసుకున్న వారితో పాటు ఇతర ప్రాంతాల నుంచి వచ్చిన భక్తులతో తిరుమల రద్దీగా మారిపోయింది. మాడవీధులు, అన్న ప్రసాదం, లడ్డూ ప్రసాదం కౌంటర్ల వద్ద భక్తులు ఎక్కువగా ఉండటంతో అక్కడ తగిన ఏర్పాట్లు చేశారు. వసతి గృహాలు దొరకడం కూడా కష్టంగా మారింది.
