రియో ఒలింపిక్స్ విజేత‌లు పివి సింధు, పుల్లెల గోపీచంద్, సాక్షి మాలిక్‌ల‌తో పాటు, దీపా క‌ర్మాక‌ర్‌ల‌కు క్రికెట్ దిగ్గజం సచిన్ టెండుల్క‌ర్ బిఎమ్‌డ‌బ్ల్యూ కార్ల‌ను బహుమతిగా ఇచ్చిన సంగతి విదితమే. అయితే సాక్షి మాలిక్ సచిన్ ఇచ్చిన కారుని ఉపయోగించదట. ఆమె తన పాత కారునే వాడాల‌నుకుంటోంది.
మ‌రి సచిన్ ఇచ్చిన బిఎండ‌బ్ల్యు కారుని ఏం చేస్తార‌ని అడిగితే… ఆ కారును నాన్నకు కానుకగా ఇచ్చేస్తానని సంతోషంగా చెప్పింది. తన తండ్రి తన కోసం ఎన్నో త్యాగాలు చేశారని, అందుకే సచిన్ చేతుల మీదుగా అందుకున్న కారుని ఆయనకే ఇవ్వడం చాలా ఆనందంగా ఉందని తెలిపింది.
