వివరాల్లోకి వెళితే.. ప్రవీణ్ విస్కాన్సిన్‌లోని మిల్వాకీలో ఎంఎస్ చదువుతున్నాడు. బుధవారం అమెరికా అధికారులు అతని కుటుంబానికి సమాచారం అందించారు. ప్రవీణ్ శరీరం బుల్లెట్లతో కనిపించిందని కొంతమంది స్నేహితులు చెప్పారని ప్రవీణ్ కుటుంబీకులు తెలిపారు. ప్రవీణ్‌ను గుర్తు తెలియని దుండగులు ఒక దుకాణంలో కాల్చి చంపారని కొందరు అంటున్నారు.
బుధవారం తెల్లవారుజామున ప్రవీణ్ తన తండ్రికి ఫోన్ చేశాడని, కానీ అతను నిద్రపోతున్నందున కాల్ లిఫ్ట్ చేయలేక పోయాడని ప్రవీణ్ బంధువు అరుణ్ చెప్పాడు. ఈ సంఘటన గురించి తెలుసుకున్న ప్రవీణ్ తల్లిదండ్రులు షాక్‌కు గురయ్యారని తెలిపారు.
హైదరాబాద్‌లో బిటెక్ చదివిన ప్రవీణ్, 2023లో ఎంఎస్ చేయడానికి అమెరికా వెళ్లాడు. అతను డిసెంబర్ 2024లో భారతదేశాన్ని సందర్శించి ఈ సంవత్సరం జనవరిలో అమెరికాకు బయలుదేరాడు. కుటుంబ సభ్యులు సహాయం కోసం ఎమ్మెల్యేలు, ఇతర నాయకులను సంప్రదించారు.
