మరోవైపు బిగ్ బాస్ నిర్వాహకుల వల్లే ఈ దాడి జరిగిందని, ఆయన పేరు ఎక్కడా లేదని, ఈ దాడి ఘటనకు నాగార్జునను కూడా బాద్యుడిని చేసి అరెస్టు చేయాలంటూ న్యాయవాది అరుణ్ విజ్ఞప్తి చేసారు. ఈ దాడి కారణంగా 6 ఆర్టీసీ బస్సులు, కార్లు ధ్వంసమయ్యాయని, అందువల్ల హోస్ట్‌గా వ్యవహరించిన నాగార్జునను కూడా అరెస్టు చేయాలని కోరుతూ ఆ న్యాయవాది దాఖలు చేసిన పిటిషన్‌లో పేర్కొన్నారు.
ఇదిలావుంటే, ఈ దాడి ఘ‌ట‌న‌లో బిగ్‌బాస్‌ విజేత పల్లవి ప్రశాంత్‌పై జూబ్లీహిల్స్ పోలీసులు కేసు నమోదు చేసింది. ఈ కేసును సుమోటోగా తీసుకున్న పోలీసులు విచారణ జరిపిన అనంతరం ఈ దాడులకు ముఖ్య కార‌ణం పల్లవి ప్రశాంత్ అని తేల్చారు.
దీంతో ఈ కేసులో పల్లవి ప్రశాంత్‌ను ప్రధాన నిందితుడిగా(ఎ-1) కేసు నమోదు చేశారు. అలాగే అతని సోదరుడు, స్నేహితుడిని సైతం నిందితులుగా(ఎ-2, ఎ-3) నమోదు చేసి మరో ఇద్దరిని అరెస్ట్‌ చేశారు. అలాగే వీరికి సంబంధించిన రెండు కార్లను సీజ్‌ చేసినట్లు జూబ్లీహిల్స్ పోలీసులు వెల్ల‌డించారు.
