ఎఫైర్... మరో మహిళతో సంబంధాన్ని కొనసాగిస్తుండటాన్ని ప్రత్యక్షంగా పట్టుకుని భర్తను చితకబాదింది ఓ భార్య. ఇది తెలంగాణలోని వేములవాడలోని చెక్కపల్లి గ్రామంలో జరిగింది. స్కూలు అసిస్టెంటుగా పనిచేస్తున్న సత్యనారాయణ మరో మహిళతో సంబంధం పెట్టుకున్నాడు. తన భర్త స్కూలు విడిచిపెట్టగానే ఇంటికి రాకుండా గంటలకొద్దీ ఆలస్యం చేస్తూ వుండటంపై ఆమెకు అనుమానం వచ్చింది.
మరోవైపు ఇంట్లో విలువ కలిగిన వస్తువులు కూడా కనిపించకుండా పోతున్నాయి. తెలిసినవారే తీసి వుంటారన్న నిర్థారణకు వచ్చిన భార్య, తన భర్త వ్యవహారంపై కన్నేసింది. ఓ రోజు భర్త స్కూలు వదలగానే ఎటు వెళుతున్నాడా అని అతడి వెంట అనుసరించింది. అతడు నేరుగా తను వివాహేతర సంబంధం పెట్టుకున్న మహిళ ఇంటికి వెళ్లడం గమనించి ప్రత్యక్షంగా పట్టుకుని అతడిని చితకబాదింది.
అరుపులు, కేకలు వినిపిస్తుండటంతో ఇరుగుపొరుగువారు గుమిగూడారు. విషయాన్ని వాళ్ల దృష్టికి తీసుకెళ్లింది. ఐతే సంబంధం పెట్టుకున్న మహిళ మాత్రం... వాళ్లాయన నా వద్దకు వస్తున్న సంగతి ఆమెకు ఏడాది క్రితమే తెలుసుననీ, అంతా తెలిసి అప్పుడు గమ్మునే వూరుకుందని వాదిస్తోంది. పైగా తను ఇప్పుడు గర్భవతిననీ, ఈ పరిస్థితుల్లో అతడిని ఎలా వదులుతానూ... ఎట్టి పరిస్థితుల్లోనూ అతడిని విడిచిపెట్టేది లేదని తేల్చి చెబుతోంది. మరి ఈ వ్యవహారం ఎలాంటి మలుపులు తిరుగుతుందో.
