వరంగల్ అర్బన్ జిల్లా కమలాపూర్ మండలం ఉప్పల్‌లో నిర్వహించిన పల్లెప్రగతి గ్రామసభలో మంత్రి ఎర్రబెల్లితో పాటు.. ఇతర ప్రభుత్వ అధికారులు పాల్గొన్నారు. ఈ సందర్భంగా ఎంపీడీఓను ఉద్దేశిస్తూ మంత్రి ఎర్రబెల్లి మాట్లాడుతూ, 'ఎంపీడీవో మేడం... మీరైతే బాగానే ఊప్తున్నారుగానీ ఈడైతే ఊపడం లేదు అంటూ వ్యాఖ్యానించారు. ఈ వ్యాఖ్యలతో పక్కనే ఉన్న ఇతర అధికారులంతా ఫక్కున నవ్వాలు.
సీఎం కేసీఆర్‌కి మహిళలపై గౌరవం వుంటే మంత్రి ఎర్రబెల్లిపై లైంగిక వేధింపుల కేసు పెట్టి కేబినెట్ నుంచి బర్తరఫ్ చేయాలని ఏఐసీసీ అధికార ప్రతినిధి దాసోజు శ్రవణ్ డిమాండ్ చేశారు. సెక్షన్ 354ఏ, 509 ప్రకారం ఎర్రబెల్లి వ్యాఖ్యలు లైంగిక వేధింపులకు సంబధించిన కేసు కిందకు వస్తాయన్నారు. ఒక మహిళా, గ్రూప్ వన్ ఆఫీసర్ పట్ల ఇంత అనుచిత వ్యాఖ్యలు సభ్యత సంస్కారం లేకుండా చేశారంటే సాదారణ మహిళల పరిస్థితి ఏంటి ? అని ప్రశ్నించారు.
