గతంలో టాలీవుడ్ హీరోహీరోయిన్లను విచారించిన సమయంలో దర్యాప్తు అధికారిగా వున్న రిటైర్డ్ ఐఏఎస్ అధికారి చంద్రవదన్ ప్రస్తుతం డ్రగ్స్ కలకలం గురించి మాట్లాడారు. డ్రగ్స్‌కు పరిధులు లేవు, టాలీవుడ్, బాలీవుడ్ లోనే కాదు.. అంతర్జాతీయ స్థాయిలో ఈ డ్రగ్స్ మూలాలు ఉన్నాయి.
సినిమా రంగం ఈ మత్తుకు బానిస అయింది. గతంలో దర్యాప్తులో ఏం తేలిందో నేను ఇప్పుడు చెప్పను. కానీ, మా విచారణ ఎదుర్కొన్న వాళ్లంతా, నేను ఒక్కడినే వాడుతున్నానా అని ప్రశ్నించారు. మేము ఒత్తిళ్లకు లోనవుతూ ఉంటాము. నటులుగా మా గ్లామర్ కాపాడుకోవాలంటే డ్రగ్స్ వాడక తప్పదని చాలా మంది చెప్పారు.
