తెలుగుదేశం పార్టీ వర్కింగ్ ప్రెసిడెంట్ రేవంత్ రెడ్డి కాంగ్రెస్‌లో చేరికపై ఓ స్పష్టత వస్తోంది. గతకొన్ని రోజులుగా కాంగ్రెస్ నేతలతో రేవంత్ టచ్‌లో ఉన్నారని వార్తలు హల్‌చల్ చేస్తున్న విషయంతెల్సిందే. ఈ నేపథ్యంలో ఈనెల 17వ తేదీన ఢిల్లీకి వెళ్లిన రేవంత్ రెడ్డి, టీపీసీసీ అధ్యక్షుడు ఉత్తమ్ కుమార్ రెడ్డితో కలిసి పార్టీ ఉపాధ్యాక్షుడు రాహుల్ గాంధీని కలిశారనే ప్రచారం సాగుతోంది.
స్థానిక పరిస్థితులను బట్టి పొత్తులు పెట్టుకునే అవకాశం తమకు ఇవ్వాలని చంద్రబాబును కోరినట్లు ఆయన తన సన్నిహితులకు చెబుతున్నారు. ఇప్పటికే చాలా విషయాల్లో కాంగ్రెస్‌తో కలిసి ప్రభుత్వంపై పోరాటం చేసినట్లు చెబుతున్న రేవంత్.. కలిసి పోరాటం చేసే వాళ్ళతో టీడీపీ పొత్తులు పెట్టుకుంటే తప్పేంటని ప్రశ్నించడం గమనార్హం.
