మొదట్లో తన ఇంట్లోను, అలాగే తన అక్క ఇంట్లోను కొంత డబ్బును దొంగతనం చేస్తూ ఎవరికి అనుమానం రాకుండా జాగ్రత్త పడుతూ వచ్చింది ఝాన్సీ. అయితే రాహుల్‌కు డబ్బులు ఎక్కువ అవసరం ఉండటంతో ఏకంగా బంగారు నగలనే దొంగతనం చేసేసింది. అది కూడా బుద్ధానగర్ లోని తన అక్క ఇంట్లో. దొంగతనం తరువాత తనకేమీ సంబంధం లేనట్లు వ్యవహరించింది.
బాధితులు పోలీసులను ఆశ్రయించడంతో అసలు విషయం బయటపడింది. తన చెల్లి బంగారు నగలను దొంగిలించిందని తెలుసుకున్న అక్కతో పాటు ఇతర కుటుంబ సభ్యులు ఆశ్చర్యపోయారు. కేసును మాత్రం వెనక్కి తీసుకోకపోవడంతో ఝాన్సీతో పాటు రాహుల్‌ను పోలీసులు అదుపులోకి తీసుకున్నారు. నిందితుల నుంచి నాలుగు తులాల బంగారాన్ని స్వాధీనం చేసుకున్నారు.
