సూపర్ స్టార్ రజనీకాంత్ అల్లుడు ధనుష్‌కు తల్లిదండ్రులు మేమేనని చెప్పుకుంటూ మేలూరుకు చెందిన కదిరేశన్, మీనాక్షి దంపతులు కోర్టును ఆశ్రయించిన సంగతి తెలిసిందే. ఈ కేసు కీలక మలుపు తిరిగింది. తాను కస్తూరి రాజా పుత్రుడినా.. కదిరేశన్ కుమారుడినా అని నిరూపించుకునేందుకు కొంత సమయం కావాలని కోరినట్లు తెలుస్తోంది. ఇంకా ఈ కేసును కొట్టిపారేయాలని ధనుష్ తరపున పిటిషన్ కూడా దాఖలైంది.
అయితే ఈ కేసు విచారణ కొనసాగుతూనే ఉంది. తాజాగా ధనుష్ తాను కస్తూరి రాజా కుమారుడైతే.. ఎందుకు సమయం కావాలని కోరాడని ప్రస్తుతం కోలీవుడ్‌లో చర్చ జరుగుతోంది. అంతేగాకుండా.. ఈ కేసుకు సంబంధించిన కీలక మెడికల్ రిపోర్టులో ధనుష్ తన శరీరంపై గల మచ్చలను లేజర్ ద్వారా తొలగించినట్లు సమాచారం. ధనుష్ తన శరీరంపై గల మచ్చల్ని ఇలా లేజర్ ద్వారా తొలగించాల్సిన అవసరం ఏమొచ్చిందనే ప్రశ్న తలెత్తింది.
