సమంత-నాగచైతన్యల ప్రేమ వివాహంపైనే ప్రస్తుతం టాలీవుడ్‌లో చర్చ సాగుతోంది. వీరిద్దరి వివాహంపైనే ప్రస్తుతం అందరి కన్నుపడింది. పెళ్లికి ముందు రారండోయ్ వేడుక చూద్దాం సినిమా హిట్ టాక్ సంపాదించడంతో నాగచైతన్య తెగ ఖుషీలో ఉన్నాడు. అంతేగాకుండా సమంతతో తన వివాహంపై అందరి దృష్టి వుందనే విషయాన్ని గమనిస్తున్నట్లు చైతూ తెలిపాడు. ప్రేమతో పాటు వివాహ బంధంతో ఏకమవుతున్న తాము.. తమ జీవితంలోని ప్రతి ఘట్టాన్ని ఆస్వాదిస్తున్నామని చెప్పాడు.
కాగా.. ఏం మాయ చేశావేతో నాగచైతన్య, సమంత ఒక్కటయ్యారు. రీల్ లైఫ్ లోనూ.. రియల్ లైఫులో కూడా ప్రేమలో మునిగి తేలారు.. "మనం" సినిమాలో అక్కినేని కుటుంబంలో కలిసిపోయారు. ప్రస్తుతం రియల్ లైఫ్‌లోనూ ఏకం కానున్నారు.
ఈ మధ్య సమంత పుట్టినరోజు వేడుకలు కూడా నాగ చైతన్యతో కలిసి వారి ఇంట్లోనే కుటుంబ సభ్యుల మధ్య జరుపుకుంది. ఈ నేపథ్యంలో సమంత-చైతూల పెళ్లి ఎక్కడ జరుగుతుందనే విషయంపై చర్చ సాగుతోంది. కాగా హైదరాబాదులోనే అంగరంగ వైభవంగా సమ్మూ-చైతూ పెళ్లి చేసుకోవాలని భావిస్తున్నారు. ఇప్పటికే అతిథుల లిస్ట్ కూడా సిద్ధం చేశారు. త్వరలోనే పెళ్లి భాజాలు మోగించేందుకు సిద్ధమవుతున్నారు.
