మార్చి 30న గౌహతి స్టేడియంలో జరిగిన రాజస్థాన్ రాయల్స్, చెన్నై సూపర్ కింగ్స్ మ్యాచ్‌కు మలైకా హాజరైన తర్వాత ఈ పుకార్లు మొదలయ్యాయి. బాలీవుడ్ సెలబ్రిటీలు తరచుగా ముంబైలో జరిగే మ్యాచ్‌లకు హాజరవుతుండగా, మలైకా మాత్రం గౌహతిలో ఉండటం ఆమెకు సంగక్కరతో సంబంధం ఉండవచ్చనే ఊహాగానాలకు దారితీసింది.
గతంలో రాజస్థాన్ రాయల్స్ ప్రధాన కోచ్‌గా పనిచేసిన సంగక్కర, మ్యాచ్ సమయంలో జట్టుకు మద్దతు ఇస్తూ కనిపించాడు. ఆసక్తికరంగా, మలైకా కూడా రాజస్థాన్ రాయల్స్‌కు మద్దతివ్వడం కనిపించింది. ఇది పుకార్లకు ఆజ్యం పోసింది. సోషల్ మీడియాలో అభిమానులు వారి అనుబంధాన్ని ప్రశ్నిస్తున్నారు.కొందరు వారిద్దరూ డేటింగ్‌లో వున్నారంటూ కామెంట్లు పెడుతున్నారు. రాహుల్ ద్రవిడ్ రాజస్థాన్ రాయల్స్ జట్టుకు నాయకత్వం వహించడానికి ముందు కుమార్ సంగక్కర అనేక సీజన్లు జట్టుకు కోచ్‌గా పనిచేశాడు, రాజస్థాన్ రాయల్స్ ప్రయాణంలో కీలక పాత్ర పోషించాడు.
మలైకా అరోరా గతంలో నటుడు అర్జున్ కపూర్‌తో చాలా కాలంగా ప్రేమలో ఉంది. వారి వయస్సులో తేడా ఉన్నప్పటికీ, ఈ జంట చాలా సంవత్సరాలు తమ సంబంధాన్ని కొనసాగించారు. అయితే, వారి మధ్య బ్రేకప్ అయ్యిందని తెలుస్తోంది. తాజాగా మలైకా, సంగక్కరల మధ్య ప్రేమ సాగుతుందని తెలుస్తోంది. అయితే ఇద్దరూ డేటింగ్ పుకార్లపై స్పందించలేదు.
