క్యూట్ లుక్‌తో అగ్ర హీరోల నుంచి యువ హీరోల వరకు అందరికి సరైన జోడీగా కనబడుతుంటుంది హీరోయిన్ రాశీ ఖన్నా. చేసిన సినిమాలు చాలా తక్కువే అయినా రాశీ ఖన్నాకు యూత్‌లో మంచి క్రేజ్ ఉంది. హీరో కంటే హీరోయిన్ కోసమే ఎక్కువగా సినిమా థియేటర్‌కు ప్రేక్షకులు వచ్చే విధంగా తనదైన శైలిలో రాశీ ఖన్నా యాక్టింగ్ చేస్తుందని మంచి పేరుంది. అందుకే రాశీ ఖన్నాకు అవకాశాలు చాలానే వస్తున్నాయి.
ఈ మధ్య రాశీ ఖన్నా తన స్నేహితులతో మాట్లాడుతూ తాను మగాడినని చెప్పడంతో అందరూ ఆశ్చర్యపోయారు. మగాడంటే ఆ మగాడు కాదు... మగరాయుడిలా ఉంటానని మావాళ్ళు చెబుతుంటారు. భయమంటే తనకు తెలియదు, పాములంటే ఎంతమాత్రం భయం లేదనీ, చీకట్లో ఎంతసేపయినా భయపడకుండా కూర్చోగలుగుతానని ఇలా చాలామాటలు స్నేహితులకు చెప్పిందట రాశీ ఖన్నా. మొదట్లో స్నేహితులకు అర్థం కాకున్నా ఆ తరువాత మెల్లమెల్లగా అర్థమై నవ్వుకున్నారట.
