ఈ సినిమా పాన్‌ ఇండియా లెవల్లో వుండబోతుంది. కావున నటీనటుల విషయమై పాన్‌ ఇండియా స్టార్‌లను తీసుకోనున్నట్లు తెలుస్తోంది. అందులో భాగంగా తమిళ అపరిచితుడు విక్రమ్‌ పేరు పరిశీలనతో వున్నట్లు తెలిసింది. అయితే విక్రమ్‌ వివిధ గెటప్‌లతో ఓ సినిమా చేస్తున్నాడు. ఆయన డేట్స్‌ కుదరకపోతే సైఫ్‌ అలీఖాన్‌ పేరుకూడా పరిశీలించనున్నట్లు వార్తలు వస్తున్నాయి. ఏది ఏమైనా త్వరలో సెస్సేషనల్‌ న్యూస్‌ రాబోతుందని తెలుస్తుంది. ఇటీవలే అమిగోస్‌ ప్రీ రిలీజ్‌ ఈవెంట్‌లో ఎన్‌.టి.ఆర్‌. తన 30వ సినిమా గురించి చెబుతూ, ఫిబ్రవరిలో లాంఛనంగా ప్రారంభిస్తాం. ఆ తర్వాత షూటింగ్‌ జరుపుకుంటుంది. ఫైనల్‌గా సినిమాను వచ్చే ఏడాది ఏప్రిల్‌ 5న విడుదలకు ఫిక్స్‌ అంటూ తెలిపారు.
